ក្រុមហ៊ុន ជីហ្គៀ គ្រុបទទួលបានកម្រិតអនុលោមភាពសារពើពន្ធប្រភេទ «មាស» ៦ឆ្នាំជាប់គ្នា

អគ្គនាយកដ្ឋានពន្ធដារផ្តល់វិញ្ញាបនបត្របញ្ជាក់ពីកម្រិតអនុលោមភាពសារពើពន្ធប្រភេទ «មាស» ដល់ក្រុមហ៊ុន ជីហ្គៀ គ្រុបរយៈពេល ២ឆ្នាំបន្តទៀត។

វិញ្ញាបនបត្រនេះមានសុពលភាព ២ឆ្នាំ ហើយនេះជាលើកទី៣ហើយ ដែលក្រុមហ៊ុនជីហ្គៀ គ្រុបទទួលបានវិញ្ញាបនបត្របញ្ជាក់ពីគុណសម្បត្តិក្នុងការអនុវត្តច្បាប់បង់ពន្ធដារបានត្រឹមត្រូវលើការប្រកបអាជីវកម្មផ្តល់សេវា និងចែកចាយផលិតផលទាំងអស់របស់ក្រុមហ៊ុន។

ក្រុមហ៊ុន ជីហ្គៀ គ្រុបមានក្រុមហ៊ុនក្រោមចំណុះសំខាន់ៗចំនួន ៥ ដូចជា GGEAR Trading បោះដុំគ្រឿងអេឡិចត្រូនិចគ្រប់ប្រភេទ GGEAR Retail លក់រាយគ្រឿងអេឡិចត្រូនិច(LG BrandShop, Phum Electronics) GGEAR Commercial ក្រុមហ៊ុនដំឡើងប្រព័ន្ធទឹកភ្លើង និងគ្រឿងអេឡិចត្រូនិច GGEAR Elevator នាំចូល ចែកចាយ និងដំឡើងជំណ្តើរយន្តម៉ាក Hyundai និងក្រុមហ៊ុនGGEAR Pronith ឯកទេសផលិត និងដំឡើងទ្វារបង្អួចuPVC។